本录音是网友：yanxiuhong提供
北風同日頭
有一工人，北风同个日头相争，争啊渠两畲究竟系瞒人个本事过大。
争啊最后呢，渠丁人就商同正，看瞒人做得先脱下介只行路人个衫。
北风讲，“系话我来杀力吹，定着会冻硬介只过路个人。”
日头也无当软，渠讲“如果我来尽命晒渠，唔单做得喊渠脱衫脱裤，还搭会晒死渠”。
争来争去，日头同北风，两佘都唔想认输。
“介究竟系瞒人过有本事，不如我俩人来试啊子。”北风就提出一个建议。
日头也同意，日头讲：“爱看瞒人先捉介只行路人身上个衫裤脱下来，就算瞒人赢，你话样般呢？”
北风就得意洋洋，渠话：“介我就唔好意思咯，定着就爱我正会先赢。
北风就尽命个吹，盲知渠越至吹，行路上个人就越至绷稳渠自家个衫裤。北风一看，唔着，就还过用力，哪知行路个人冻去颤颤迍，又着加几件衫裤。风作力刮哩半工人，舞去一身又软又睡。者下就无变咯，就轮到日头来晒。
日头开始就用温和个阳光一晒，行路个人就脱讫头先正着个衫；日头了尾又用烈烈个阳光晒过一到，行路个人就大汗澌流，实在都顶都唔核咯，全部个衫都脱下来，踊啊河边，飚落河水去洗身子咯。
北风就无结煞，不得不爱来承认，确实还系爱日头个本事过大。
